Udhëzues blerjeje

Një palë e mirë fillon me pyetjet e duhura. Këto udhëzues janë shkruar nga mjeshtrit dhe shitësit tanë.

Format e këpucëve

• Oksford — mbyllja nën gjuhë; forma më formale. Për kostum dhe raste zyrtare.
• Derbi — mbyllja mbi gjuhë; më e gjerë dhe më e rehatshme. Funksionon edhe me xhins.
• Mokasina — pa lidhëse; nga zyra te darka. Zgjedhja më e lehtë për verë.
• Monk — me tokëz; alternativë elegante ndaj lidhëseve.
• Chelsea — çizme me elastik anash; e lehtë për t’u veshur, e mirë për dimër.
• Këpucë vele — për fundjavë dhe bregdet, me shollë gome të bardhë.

Udhëzuesi i lëkurës

Lëkurë viçi e lëmuar — më formalja, merr shkëlqim me lustrim, ideale për zyrë dhe raste zyrtare.

Lëkurë suedine — e butë dhe e ngrohtë në pamje, perfekte për vjeshtë dhe stil casual. Kërkon furçë dhe spraj mbrojtës.

Lëkurë e rrudhur (tumbled) — rezistente ndaj gërvishtjeve, e përshtatshme për përdorim të përditshëm.

Kordovan — lëkura më e qëndrueshme që përdorim. Nuk rrudhet, por lustrohet me kohë. Investim për vite.

Shollat

Lëkurë — elegante dhe që merr frymë, por jo për shi. Gomë — kap më mirë dhe zgjat më shumë. Vibram — për terren të vështirë dhe dimrin e Prishtinës.

Sa palë ju duhen

Tre palë mbulojnë pothuajse gjithçka: një oksford i zi ose kafe e errët për raste zyrtare, një derbi ose mokasin kafe për çdo ditë, dhe një çizme për dimër. Rrotacioni mes tyre i zgjat të gjitha.

Keni ende dyshime? Caktoni një takim ose na shkruani në @rosseti.ks.